1 Yohanes 2

Kristus  Juru Syafaat te 2:1-6

Anak-anak-Ku, hal ini kutulisen kin kam, kati kam enti mubueten dosa, tapé ike ara jema si mubueten dosa, kite munempui juru syafaat ku Ama, oyale Yesus Kristus si adil.

2 Den Wé oyale pedaménen kin segele dosa kite, den nume kin dosa kite pelin,tetapé kin dosa seluruh denie pé.

3 Den inile teneé, bahwa kite mubetihi Allah, oyale ike kite munuruti perintah-perintah-É.

4 Barik sahan mumerin: Aku mubetihi Allah, tetapé wé gere munuruti perintah-É, wé pecogah den i was ni wé gere ara kebenaran.

5 Tetapé barik sahan munuruti firman-É, i was ni jema wa sunguh kasih Allah nge semperne; urum inile kite betihi, bahwa kite ara i was ni Wé.

6 Barik sahan mumerin, bahwa wé ara i was ni Wé, wé wajib murip dis lagu Kristus nge murip.

Perintah si ayu 2:7-17

7 Sudere-sudere si kukasihi, nume perintah ayu si kutulisen ku kam, melènen perintah lemem si nge ara i kam ari mulo mi. Perintah lemem a oyale firman si nge ipengé kam.

8 Tetapé perintah a pé ayu, sebeb kebenarané nguk teridah i was Kristus 

den i was kam, kerna kegelepen tengah mosop den terang si benar nge mucaya.

9 Barik sahan mumerin bahwa wé ara i was ni terang, tetapé wé begeli até ku sudereé, wé ara i was kegelepen sawah se ni.

10 Barik sahan mungasihi sudereé, wé tetap ara i was terang, den i was ni wé gere ara penyesaten.

11 Tetapé barik sahan begeli até ku sudereé, wé ara i was ni kegelepen den murip i was kegelepen. Wé gere betih kusihen wé beluh, kerna kegelepen oya nge mubotanen mataé.

12 Aku munulis kin kam, hei anak-anak, sebeb dosamu nge iampuni entap geral-É.

13 Aku munulis kin kam, hei ama-ama, kerna kam nge mubetihi Wé si ara ari muloé. Aku munulis kin kam, hei  anak-anak mude, kerna kam nge mungalahen si jahat.

14 Aku munulis kin kam, hei anak-anak, kerna kam mubetihi Ama. Aku munulis kin kam, hei ama-ama, kerna kam mubetihi Wé si ara ari muloé mi. Aku munulis kin kam hei anak-anak mude kerna kam kuet den firman Allah taring i was  ni  kam den kam nge mungalahen si jahat.

15 Enti kam mungasihi denie urum hana si i wasé. Ike jema mungasihi denie, kasih kin Ama gere ara i was ni jema wa.

16 Sebeb bèwèné si ara i was denie, oyalé kenak ni usi den kenak ni mata urum kesomongen murip, asalé nume ari Allah, melènen ari denie.

17 Den denie ni tengah mosop urum kenaké, tetapé jema si mubueten kenak ni Allah tetap murip selama-lamaé.

Antikristus 18-27

18 Anak-anakku, waktu ni oyale waktu si pemarin, den lagu si nge ipengé kam,  antikristus malé gèh den se ni nge delé bangkit antikristus. Oyale teneé, bahwa waktu ni betul-betul waktu si pemarin.

19 Memang pakea asalé ari antara ni kite, tetapé pakea gere sunguh  mayo ku kite; sebeb ike pakea sunguh mayo ku kite, tentu pakea tetap murum urum kite. Tetapé hal oya terjadi, kati mujadi nyata, bahwa gere bèwèné pakea besunguh mayo ku kite.

20 Tetapé kam nge munerime pengurapan ari Si Kudus, den kerna oya kam bèwèné mubetihié.

21 Aku munulis kin kam, nume kerna kam gere mubetihi kebenaran, tetapé justru kerna kam mubetihié, den kerna kam pé mubetihi, bahwa gere ara  cogah si asalé ari kebenaran.

22 Sahan ke pecogah oya? Gere ke wé si munyangkal bahwa Yesus oyale Kristus? Wéle antikristus, si munyangkal Ama urum Anak pé.

23 Sebeb barik sahan munyangkal Anak, wé pé gere munempui Ama. Barik sahan mungakui Anak wé pé munempui Ama.

24 Den kam hana si nge ipengé kam ari muloé, oya turah tetap taring i was kam. Ike hana si nge ipengé kam ari muloé a tetap taring i was kam, kam malé tetap taring i was ni Anak urum i was ni Ama.

25 Den inile janyi si nge ijanyinen-É kendiri ku kite, oyale murip si kekal.

26 Bèwèné a kutulis ku kam, oyale tentang jema-jema si berusaha munyeruken kam.                                                                                                                                  

27 Sebeb i was diri ni kam tetap ara pengurapan si nge iterime kam ari Wé. Kerna  oya gere perlu kam iejeri jema lèn. Tetapé lagu pengurapan-É munejer kam tentang segele sesanah-den penejeren-É a benar, gere cogah-den lagu Wé tengaha nge munejer kam lagu oyale kenaké kam tetap taring i was Wé.

Anak-anak Allah. 2:28-3:10

28 Jadi se ni, anak-anakku, taringle i wan Kristus, kati ketike Wé munyatanen diri-E, kite munempui keberanien percaya den gere daléh kemél terhedep Wé i lo waktu Wé gèh puren.

29 Ike betihi kam bahwa Wé benar, kam pé turah mubetihi, bahwa setiep jema, si mubueten kebenaran, lahir ari Wé.