Bebuet le KIN SI KEKAL

Bebuet le KIN SI KEKAL

Bebuet le, nume kin pemanganen si malé lepas binasa, melènen kin pemanganen si bertehen sawah ku murip si kekal, Si malé i osanen Anak Manusie ku ko: sebeb Wé le si i sahen Ama, Allah, urum matere-É.

Barik sahan si mumangan usi-Ku urum muminum rayoh-Ku, wé munempui murip si kekal den Aku malé mubangkiten wé i akhir Jemen. Sebeb usi-Ku oyale betul-betul pemanganen den rayoh-Ku oyale betul-betul minumen. (Yohanes 6:54-55).

Renye i perin Yesus ku pakea: "Aku mumerin ku kam. Sesunguhé ike kam gere mumangan usi ni Anak Manusie den muminum rayoh-É, kam gere munempui murip i wan diri ni kam. (Johanes 6:53)...

Yesus mujeweb pakea: Aku mumerin ku kam, sesunguhé kam mungenal Aku, nume kerna kam nge munèngon tene, melènen kerna kam nge mangan ruti oya den kam korong. Bebuet le nume kin pemanganen si malé lepas binasa, melènen kin pemanganen si bertehen sawah ku murip si kekal si malé iosanen Anak Manusie ku kam; sebeb Wé le si isahen Ama, Allah, urum matere-É. (Johanes 6:26-27).

Sahan ke si becerak ini den hana ke siiperin-É ?..........

Tentu Jeweb é: Yesus. Wé  mumerinen, bebuetle nume kin pemanganen si malé lepas binasa, melènen kin pemanganen si bertehen Sawah ku murip si kekal………

Hanake pemanganen si lepas binasa?.......... kati kite gere mungenal si lepas binasa a pelin.  Firman Tuhen si i atas (Joh 6:1-5); munyeritenen Yesus munosah mangan 5000 jema ari lime ruti den roa gulé den taring due belas keranyang. Jadi ike lagu noya jema ini gèh ku Yesus kati pakea mangan ruti mien. Ruti si i pangan pake oya, oyale pemanganen si malé binasa. Jadi jema ni gèh ku Yesus mungenal pemanganen si lepas binasa wa.

Pengalamen jema ini nguk mujadi pengalamen te serloni. Kite murip kin mungenal pemanganen si malé lepas binasa pelin…….. Soboh lo mangan, ruhul lo nge mulapé, renye mangan ruhul iyo lo nge mulapé mien, beta renye dor……. Hanakati layu noya ?......... tentu kite betih, bahwa pemanganen si kite pangan a oyale pemanganen si lepas binasa.

Nge ke jelas kin kite pemanganen si lepas binasa wa ?...........  tentu nge, reta, sen, ruti den si lèné.

Bierpé reta, sen urum ruti, bèwèné ni gèhé  ari Tuhen Yesus, tetapé enti le kite bebuet kin si lepas binasa ni pelin, tiep kite bedoà kin muniro rejeki,  tamahen berkat Mu, kire é sekulah anak-anak ni kami berhasil. Enti le sawah i sien pelin perjuangen murip te ini.

Tetapé bebuet le kin pemanganen si bertehen sawah ku murip si kekal. Ike Allah nge munosanen pemanganen si lepas binasa (rejeki, reta, kesehaten den si lén) enti le gere kite inget mungenal pemanganen si bertehen sawah ku murip si kekal.

Hanake pemanganen si lepas bertehen sawah ku murip si kekal ?.........

Bebuet le kin pemanganen si bertehen sawah ku murip si kekal, si malé iosanen Anak Manusie ku kam; sebeb Wé le si isahen Ama, Allah urum matere-É.

Pemanganen si lepas bertehen Sawah ku murip si kepal oya iosanen Anak Manusie (Yesus)……….

Kune caraé Yesus munosanen murip si kekal oya ?........  Bacale si i tuyuh ni.

I Perin Yesus ku pakea: "Aku mumerin ku kam, Sesunguhé ike kam gere  mumangan usi ni Anak Manusie den muminum rayoh-É, kam gere munempui murip i wan diri ni kam. Barik sahan mumangan usi-Ku den muminum royoh-Ku, wé munempui murip si kekal den Aku malé mubangkiten wé i akhir jemen.

Sebeb using-Ku oyale betul-betul Pemanganen den rayoh-Ku betul-betul minumen.  Barik sahan mumangan using-Ku den muminum rayoh-Ku, wé taring i was ni Aku den Aku i was ni wé…........... (Joh 6:53-56)……..

Ruti iosanen Tuhen Yesus kati pakea munerime murip selemem murip i denie ini. Inile si nge iosanen Yesus kų pakea……… Tetapé usi den rayoh Tuhen Yesus munosanen murip si kekal.  Jadi kite gere munerime penosahen-É secara ruti pelin si lepas binasa den betehen sawah i denie ni pelin, mulénen kite pé turah munerime pengorbanen-É maté i kayu salib. Inile si turah kite kenali wan buet te ari lo ku lo si ten sawah ku peremèhen é.

Inile using-Ku si iosanen kin  kam; bueten le ini mujadi peringeten kin Aku. Betapé Wé munuet cawan, nge mari mangan, iperin-É: "Cawan ini oyale Pejanyin ayu si i materénen  urum rayoh-Ku; bueten le ini, Jep kam muminum é oya mujadi peringeten kin Aku." (1 kor 11:24-25).

Ini ibueten Tuhan Yesus i waktu kelem lo isihen Wé malé iserahen kin isaliben. Munyerahen usi-É mujadi pemanganen kati kite mudepet murip si kekal. Kematénen-É i kayu salib secara usi, si kite terime mujadi bagien te, inile pemanganen si lepas bertehen sawah ku murip si kekal.

Nguk ke sudare mujelasené lebih lanjut……..

Penosahen si sementara

                       Penosahen si kekal

 Renyel aku malé mumerin ku jiwengku : O jiwengku, ko munempui delé reta si ikemas kin  bertun-tun; teduh mi le, mangan, minum nye begegalakan mi le.

 Tapé iperin Allah ku wé : Woi jema ogoh, kelem ni nyawamu malé iuet ari ko; renyel barang-barang si nge ikemas ko a kin sahan ke oya kasé? 

(Lukas 12:19-20)

Munurut sudere kin sahan ke oya?...............................

 Renyel iperin-É ku pakea : “Inget-inget den bejege-jegele kam atas segele ketamaken, kerna murip ni jema gere itentunen ari kelimpahen ni retaé.”

(Lukas 12:15)      Penosahen si sementara oyaMalé taring i denie.

   Ara penosahen si kekal…. Dum kerna kasih ni Allah kin denie ni, sehinge Wé nge munosahen Anak-É si tungel, kati jep  jema si percaya ku Wé gere benasa tapé mudepet murip si kekal……… (Joh 3:16 )

                            Inile penosahen si sawah Ku Kekekalen